زباين أكثر لشغلك، مجاناً

وش نجمع: اسمك أو اسم نشاطك، رقم الواتساب (ورقم ثاني إذا أضفته)، الحرفة، جهات الرياض أو الأحياء اللي تخدمها، والمستندات اللي ذكرت إنها عندك. وإذا حبيت، تقدر ترفع صورة الهوية أو الإقامة وسيلفي، وصورة السجل التجاري أو شهادة الضريبة أو رخصة بلدي. كل الصور اختيارية.

ليش: للتواصل معك، والتأكد من هويتك ومهنتك، وتجهيز ملفك في لاقيني.

وين تنحفظ: في حساب لاقيني الخاص على Google، ولا يشوفها إلا فريق لاقيني. صور المستندات في مجلد خاص ولا تُنشر أبدًا. ما نبيع بياناتك لأي أحد.

كم نحتفظ فيها: طول ما أنت مسجّل في لاقيني. إذا طلبت نشيلك من الموقع، نحذف صور الهوية والمستندات خلال ٣٠ يوم.

للعملاء: إذا عطيتنا رقم الواتساب في صفحة أحد الفنيين، نحتفظ فيه مع أسماء الفنيين اللي تواصلت معهم، بس عشان نرسل لك رسالة وحدة بعد ما يخلص الشغل نسألك كيف كانت التجربة. ما نشارك رقمك مع الفنيين ولا مع أي أحد، ولا نرسل لك إعلانات، ونحذفه خلال ٦ أشهر.

المدن القادمة: إذا تركت رقم الواتساب عشان نبلغك لما يفتح لاقيني في مدينتك، نحفظه مع اسم مدينتك بس عشان نرسل لك رسالة وحدة لما يفتح. ما نشاركه مع أحد ولا نرسل لك إعلانات، ونحذفه بعد هالرسالة (أو خلال 12 شهر).

حقوقك: تقدر تطلب الاطلاع على بياناتك أو تعديلها أو حذفها في أي وقت: راسلنا على الواتساب +966 56 504 1035 أو على الإيميل [email protected].